Në tregun e këmbimit valutor vendas, të Martën, dollari amerikan humbi terren në raport me lekun, ndërsa euroja forcoi pozitat, krahasuar me një ditë më parë.
Sipas kursit zyrtar të Bankës së Shqipërisë, monedha e gjelbër amerikane zbriti me 0.27 lekë dhe këmbehet me 106.93 lekë, ndërsa euroja u ngjit me 0.02 lekë dhe këmbehet me 121.30 lekë.
Paundi britanik krahasuar me një ditë më parë, u nënçmua me 0.08 lekë dhe zbriti në kuotën e 144.90 lekëve.
Ndërkohë, franga zvicerane këmbehet me 115.64 lekë, ose 0.30 lekë më pak se ditën e hënë.
