Nga Artur Meçollari
Rusia tashmë një shtet i pabesueshëm ndërkombëtarisht.
Në mes të dhjetorit 2021 Rusia i paraqiti SHBA dhe NATO-s tetë pika për ridimensionimin e sigurisë europiane. Kjo kërkesë u shoqëria me përqëndrim të trupave ruse përgjatë kufirin me Ukrainën, si një paralajmërim kërcënues nëse nuk do të plotësoheshin kushtet e saj. Kushti kryesor dhe që Ruasia priste si minimum të pranohej ishte përjashtimi i mundësisë për anëtarësimin e Ukrainës në NATO.
Mbasi shtetet anëtare të NATO-s, vetë NATO dhe SHBA nuk pranuan asnjë nga kushtet e vendosura nga Rusia dhe artikuluan se është e drejta e Ukrainës të vendosi mbi sigurinë e saj, Rusia kaloi në planin B, detyrimin e Ukrainës të heqi dorë nga anëtarësimi në NATO. Ukraina e ka të artikuluar në Kushtetutë aspiratën e saj për anëtarësim në NATO.
Forcat ushtarake ruse pranë kufirit ukrainas u shtuan, numër që shkoi deri në mbi 130, si brenda territorit të Bjellorusisë edhe me mjetet e Forcave Detare në Detin e Zi. Rusia nuk e deklaroj asnjëherë qëllimin e saj, por linte të nëkuptonte një pushtim të mundshëm të Ukrainës nëse nuk i plotësoheshin kërkesat.
Në datën 15 shkurt 2022 Ministria e Punëve të Jashtëme të Rusisë deklaroi se një pjesë e mirë e trupave po tërhiqen mbas stërvitjes drejt bazave të tyre dhe se kjo ishte një “ditë fitoreje”. Uniteti i Aleancës shoqëruar me konseguenca të forta ndaj Rusisë nëse pushtonte Ukrainën, si dhe kontrolli i situatës në terren nga Qeveria Ukrainëse, bëri që Ruasia të tërhiqet pa marrë si konçesion asnjë kërkesë, duke përfshirë edhe përjashtimin e Ukrainës nga anëtarësimi në NATO.
Po sot, më 15 shkurt 2022, Euronews njofton se anëtarë të Parlamentit të Rusisë i kanë kërkuar presidentit Vladimir Putin të njohë pavarësinë e dy republikave të vetshpallura me shumicë ruse në Ukrainë, Republika Polpullore e Donetskut dhe Luhanskut. Parlamenti ka përgatitur dhe rezolutat për këto njohje, të cilat parashikohet, sipas Euronews, të miratohen ditën e enjte. Një veprim i till bie në kundërshtim me Marrëveshjen e Minskut 2015, të firmosur dhe ratifikuar nga vetë Rusia. Marrëveshja e Minskut parashikon autonomi brenda Ukrainës për dy republikat separatiste.
Më parë në vitin 2014, Parlamenti i Rusisë në kundërishtim me Marrëveshjen e Budapestit 1994, njohu pavarësinë nga Ukraina të Republikës së Krimesë dhe më pas bashkimin e saj me Fedetatën Ruse. Marrëveshja e Budapestit, e firmosur dhe ratifikuar nga Ruasia, parashikon njohjen e integritetit territorial të Ukrainës.
Në pamundësi për arritjen e objektivave të saj të sigurisë, Rusia me njohjen e Republikave të Donetskut dhe Luhanskut, në shkelje të traktateve ndërkombëtare synon të paraqesi përpara publikut rus dhe atij ndërkombëtar, dështimin e daj për ndryshimin e sigurisë europiane, si një humbje me dinjitet. Sjellja e Rusisë me të drejtën ndërkombëtare, edhe si anëtare e përherëshme e Këshillit të Sigurimit, përbën tashmë një kërcënim serioz të rendit juridik botëror.
https://www.euronews.com/…/ukraine-crisis-russian-mps…
Kërkesat e Rusisë ndaj NATO-s dhe SHBA:
1 – Të përjashtojë zgjerimin e mëtejshëm të NATO-s dhe anëtarësimin e Ukrainës në Aleancë;
2 – Mos dislokoni njësi dhe armë të reja jashtë vendeve në të cilat ishin vendosur në maj 1997 (përpara se vendet e Evropës Lindore të anëtarësoheshin në NATO), përveç në raste të jashtëzakonshme me pëlqimin e Rusisë dhe anëtarëve të NATO-s;
3 – NATO duhet të përmbahet nga çdo aktivitet ushtarak në Ukrainë, Evropën Lindore, Kaukaz dhe Azinë Qendrore;
4 – Mos vendosni raketa me rreze të mesme dhe të shkurtër veprimi në vende ku ato mund të synojnë territorin e palës tjetër;
5 – Mos kryeni stërvitje me më shumë se një brigadë ushtarake në zonën kufitare të dakorduar dhe shkëmbeni rregullisht informacione për stërvitjet ushtarake;
6 – Rikonfirmojnë se palët nuk do të konsiderohen kundërshtare dhe bien dakord që të gjitha mosmarrëveshjet do të zgjidhen në mënyrë miqësore dhe do të përmbahen nga përdorimi i forcës;
7 – Premtimi se nuk do të krijohen kushte që pala tjetër mund të konsiderojë një kërcënim;
8 – Prezantoni “linjat e nxehta” për kontaktet në situata krize.
