Ish-Kryeministri Sali Berisha ka zhvendosur fushatën për zgjedhjet e pjesshme të 6 marsit në Bashkinë e Durrësit. Pasi ka prezantuar 6 kandidatët e koalicionit “Shtëpia e Lirisë”, Berisha ka nisur fazën e dytë të takimeve me strukturat në bashkitë ku do të mbahen zgjedhje për kryebashkiak.
Berisha është takuar sot me strukturat në Vadardh, Sukth.
Nga raportimet mësohet se në takim është diskutuar lidhur me zgjedhjet, por edhe mbi detaje të organizimit të fushatës.
Deri më tani kandidati i koalicionit “Shtëpia e Lirisë” për Bashkinë e Durrësit, Ardian Muka, ka gërshetuar elementë të fushatës, nga takimet derë më derë, në ato më të zgjeruara, duke bërë të njohura edhe detaje nga programi i tij, sipas zonave që përfshin bashkia e Durrësit.
