GJKKO ka shpallur vendimin për ish-gjyqtaren Enkelejda Hoxha, e cila akuzohet për korrupsion.
Hoxha është dënuar me tre vjet burg. Hoxha u vu në pranga paraditen e 11 shkurtit bashkë me 9 persona të tjerë, në kuadër të një operacioni të mirëorganizuar nga SPAK, pasi ishte vënë në përgjim prej muajsh.
Pikërisht më 11 shkurt, Hoxha, me skemën e përgatitur me ndihmën e bashkëpunëtorëve të saj, do të lironte të dënuarin për vrasje, Saimir Petani.
Gjyqtarja Enkelejda Hoxha akuzohet se ka marrë shuma nga 6 mijë deri në 12 mijë euro në këmbim të lirimit të të dënuarve, kryesisht për krime të rënda, si vrasja. Hoxha përfitoi nga gjykimi i shkurtuar, kurse mbrojtja pretendoi se gjyqi ndaj saj ka arsye politike.
