Endrit Brahimllari, Sekretar i Përgjithshëm i LSI, ka reaguar lidhur me protestën e fermerëve të Devollit, të cilët në formë simbolike parkuan makineritë e tyre bujqësore para Drejtorisë vendore të Bujqësisë, duke kundërshtuar çmimet e larta të naftës dhe plehrave kimike.
Braimllari shkruan në reagimin e tij se Rilindja, bujqësinë po e përdor në funksion të pastrimit të parave dhe të oligarkëve.
“Fermeri i mesëm vendas po shkatërrohet çdo ditë. Fermerët e Devollit po përballen me kushte shumë të vështira për shkak të mungesës së mbështetjes nga qeveria.
Zona me prodhuese e vendit sot përballet me falimentimin.
Rilindja mashtroi fermerin vendas me rimbursimin e karburantit, skemë të cilën e përdoren si mjet presioni në fushatë për të tjetërsuar vullnetin e votës së fermerit”, shkruan Braimllari.
