Disa qindra qytetarë të Dibrës kanë pritur ish-Kryeministrin Sali Berisha, i cili në vijim të fushatës elektorale për zgjedhjet e 6 marsit, prezantoi sot kandidatin Premtim Kryemadhi, i cili garon për kryebashkiak të Dibrës.
Me thirrjet “Berisha, Berisha” dhe ovacione të shumta, ish-Kryeministri është përshëndetur me disa dhjetra qytetarë që kishin dalë ta prisnin përgjatë rrugës për në Pallatin e Kulturës, atje ku edhe po mbahet takimi elektoral.
Berisha shoqërohet në këtë takim elektoral nga nënkryetari i degës së PD, Ilir Krosi, deputeti Belind Këlliçi, si dhe anëtarët e Komisionit të Rithemelimit.
