Tensionet mes Rusisë dhe Ukrainës vazhdojnë të mbeten të larta. Madje analistët parashikojnë edhe sulm të mundshëm brenda javës që vjen. Shumë shtete kanë njoftuar qytetarët e tyre të lënë Ukrainën. Madje edhe personelin diplomatik.
Edhe Shqipëria ka bërë të njëjtën kërkesë.
Alban Cali është një nga shqiptarët që ende ndodhet në Ukrainë, por thotë se ka në plan të largohet në ditët në vijim, teksa vendi është çdo ditë e më i rrezikuar nga pushtimi i mundshëm rus.
Cali, që në Ukrainë punon për një kompani të huaj, tregon se aktualisht, situata në qytet është e qetë.
“Nuk është parë ndonjë lëvizje masive e njerëzve. Unë po mendoj të largohem në ditët në vijim”, thotë ai, ndërsa tregon se Ka komunikuar dhe me shqiptarë të tjerë që jetojnë në Ukrainë, por ndohen jashtë zonës së rrezikut.
