Valon Et’hemi ka shkëlqyer në Turqi, ku goli i tij ishte vendimtar në tre pikët që skuadra e tij, Istanbulspor mori nga përballja me kryesuesit e Ankaragucu me rezultatin 0-1. Ish-sulmuesi i Kukësit shënoi në minutën e 23 teksa me anë të një goditje të kalibruar në hyrje të zonës mposhti portierin kundërshtar.
Ky ishte realizimi numër katër në këtë sezon për futbollistin 24-vjeçar, teksa Istanbulspor tashmë është ngjitur në vendin e katërt në Ligën e Parë turke.
Kujtojmë se pjesë e Istanbulspor është edhe Eduard Rroca me Kristal Abazajn, me mesfushorin që edhe pse ishte i grumbulluar qëndroi për 90 minuta në stol, ndërsa sulmuesi anësor është i dëmtuar dhe mbetet jashtë ekipit.
