Kandidati për bashkinë e Lushnjes, Indrit Sefa, gjatë takimeve me qytetarët u shpreh se me 6 mars Bashkia e marrë peng prej 15 vjetësh do t´u kthehet qytetarëve.
Sefa u shpreh se garën e 6 marsit e ka marrë përsipër për bashkëqytetarët e tij lushnjarë dhe do ta bëj këtë garë bashkë me ta.
“Pengmarrjen e Bashkisë Lushnje prej 15 vitesh e shoh si arsyen kryesore pse të rinjtë largohen, pse prindërit humbin vendet e punës, pse fermerët janë në kushte mbijetese dhe pse shërbimet, infrastruktura mungojnë, ndërkohë që taksat na rriten.
Më 6 mars të gjithë bashkë mund të kontribuojmë që Lushnja, familja jonë e madhe, të jetë e jetueshme. Është detyra jonë t’u kthejmë bashkinë qytetarëve”, tha ai.
