Një 57-vjeçar nga Erzeni i Shijakut është arrestuar nga Policia e Durrësit, pasi drejtonte autobusin në gjendje të dehur e linjës Shkozet –Shijak. Ai u ndëshkua edhe me 90.000 lekë të rinj gjobë dhe me 16 muaj pezullim të Lejes së Drejtimit.
Shërbimet e Policisë Rrugore pas njoftimit të marrë nga qytetarët se një autobus, kryente manovra të rrezikshme në rrugën Shkozet –Shijak, menjëherë kanë bërë të mundur bllokimin e autobusit.
Pas kryerjes së alkool-testit rezultoi se drejtuesi i autobusit shtetasi B.V., 57 vjeç, banues në fshatin Erzen të Shijakut, drejtonte autobusin në gjendje të dehur në masën 1.48 mg për litër.
Në përfundim të veprimeve u bë arrestimi në flagrancë i tij për veprën penale” Drejtimit te mjetit në mënyrë të parregullt ”(në gjendje të dehur), dhe materialet hetimore i kaluan Prokurorisë, së Rrethit Gjyqësor Durrës për veprime të mëtejshme.
Drejtoria Vendore e Policisë Durrës falënderon qytetarët që denoncojnë këto raste që sjellin pasoja në jetën dhe shëndetin e përdoruesve të rrugës dhe apelon që cilido që konstaton raste të shkeljes së rregullave të qarkullimit rrugor të denoncojnë menjëherë në 112 e Komisariatin Dixhital duke ju garantuar anonimat të plotë e reagim të menjëhershëm.
