Pas prezantimit të kandidatit për kryetar bashkie, Bardh Spahia, ish-Kryeministri Sali Berisha ka shëtitur në këmbë në qytetin e Shkodrës.
Berisha është drejtuar për te zyrat e shtabit elektoral të kandidatit Spahia ku ka zhvilluar një takim.
Mirëpo, lëvizja e Berishës në këmbë në qytetin e Shkodrës ka alarmuar Xhevdet Amulin, të emëruarin nga Lulzim Basha si kryetar dege.
Sapo është informuar për lëvizjet e Berishës, Amuli ka nxituar drejt selisë së degës së PD dhe ka mbyllur derën, nga frika se demokratët do të futeshin brenda.
Qytetarë të ndryshëm kanë fotografuar Amulin pranë selisë së PD, pasi ka kyçur deren.
Në fakt, Berisha dhe mbështetësit ishin drejtuar për te shtabi elektoral i Bardh Spahisë për të diskutuar detajet e organizimit të fushatës për zgjedhjet e 6 marsit.
