Diego Forlan do të kthehet të luajë futboll në moshën 42 vjeç.
Ish-sulmuesi, mes të tjerash i Inter-it, Atletico Madrid-it dhe Villarreal-it, që në 2019-ën ka lajmëruar tërheqjen e tij nga futbolli i luajtur, ka vendosur të veshë përsëri këpucët e futbollit dhe të nënshkruajë me Old Boys & Old Girls Club.
Bëhet fjalë për një klub që luan në Ligën Universitare të Sportit të Uruguait dhe me më shumë se 100 vite histori. Sulmuesi uruguaian do të luajë në një kategori për lojtarë mbi 40 vjeç.
