Një 51-vjeçar është arrestuar në Durrës për llogari autoriteteve italiane.
Në pranga u vu Gentian Deda, banues në lagjen nr. 4, Durrës, në një aksion nga policia e Durrësit dhe Interpol Tirana, bazuar dhe në informacionet e siguruar në rrugë operative, njoftoi policia.
Gjykata e Milanos, Itali, e ka dënuar këtë shtetas me 11 vjet, 8 muaj e 15 ditë burg për veprën penale “Grup kriminal me qëllim trafikimin e lëndëve narkotike”, shtuan të njëjtat burime.
