Bashkim Adem Sula me bashkëshorten dhe gjashtë fëmijët e tij ka trokitur në studion e ‘Zonë e lirë’. Ka qenë pjesë e UÇK-së. Kërkon të dalë nga vështirësia e jetës, kërkon ndihmë për të pasur një jetesë normale.
Jeton në kushte të mjerueshme dhe ajo reflektohet në sytë e fëmijëve të tij dhe në sytë e tij e të bashkëshortes.
Thotë se është i plagosur dhe me një plumbë në këmbë. Ndërkohë e pranon se jeton në kushte të mjerueshme dhe është i pamundur për të jetuar.
Fëmijët, thotë kryefamiljari kanë edhe probleme shëndetësore.
Në ndihmë të tij moderatori Arian Çani, shfaqi në ekran dy numra llogarie në lekë dhe euro dhe bëri thirrje të gjithë personave që kanë mundësi të ndihmojnë me aq sa munden.
E gjithë familja jeton vetëm me paratë që nëna e gjashtë fëmijëve arrin të fitojë nga mbledhja e kanaçeve.
Kjo thuhet me lotë në sy edhe nga njëri prej fëmijëve, Arlindi.
“Babai im e ka plumbin në këmbë dhe nuk mund të mbledh kanaçe. Dhe nëna ime mbledh kanaçe për të jetuar dhe ajo nuk mund të mbledh kanaçe se ajo është më shpirt dhe me zemër”.
Kryefamiljari nuk pranon që fëmijët e tij t’i çoj në një qendër sociale. “Fëmijët i kam bërë për vete dhe nuk ia jap askujt”, thotë Bashkimi.
Ka tre fëmijë të sëmurë. Ndërkohë njëri nga fëmijët nuk i ecën dhe Bashkimi thotë se e ka falë zoti.
Bashkimi rrëfen për jetën e vështirë që ka bërë dhe se jeton vetëm me 60 mijë lekë të vjetra. Një fëmijë është me autizëm.
