Kuvendi i Shqipërisë do të mblidhet në seancë plenare për të shqyrtuar dhe votuar disa projektligje.
Seanca nis në orën 10 me dy interpelanca. E para është ajo me ministren e Energjisë, Belinda Ballukun, thirrur nga deputeti i PD, Ferdinand Xhaferraj dhe e dyta, ajo me ministren e Bujqësisë, Frida Krifca, kërkuar nga deputeti i PS, Erion Braçe.
Më pas votohen tre projekligje dhe projektvendime, ndër të cilat një ndryshim kushtetues, miratimi i listës në bllok të kandidatëve të përzgjedhur për në Këshillin e Lartë Gjyqësor nga radhët e pedagogëve të Drejtësisë dhe Magjistraturës.
Po ashtu, miratimi i një liste tjetër me pedagogë për në Këshillin e Lartë të Prokurorisë, kandidatë po nga Fakulteti i Drejtësisë dhe Shkolla e Magjistraturës.
