Shërbimi i ndjekjes së drogës në Libi ka zbuluar më shumë se 300 pako kanabisi që, për habinë e të gjithëve, kanë të mbivendosur foton e presidentit rus Vladimir Putin.
Një total prej 323 pakosh, me peshë 250 gram secila, u kapën në qytetin verilindor të Libisë Al Marj, tha një zyrtar i agjencisë për AFP.
Fotot e postuara në rrjetet sociale tregojnë pamjet me hashash, të vendosura mbi njëra-tjetrën dhe një portret të Putinit me kostum dhe kravatë të zezë.
Ngarkesa u la në një plazh afër Al Marz, tha një zëdhënës i agjencisë, pa dhënë detaje se nga erdhi apo pse pakot kanë imazhin e Putin.
Autoritetet libiane shpesh zbulojnë se droga që ata gjejnë kanë imazhe të çuditshme: të dielën, u konfiskuan hashash qeë mbante logon e një marke luksoze franceze.
Trafiku i paligjshëm i drogës dhe alkoolit është rritur ndjeshëm vitet e fundit në Libi, kryesisht për shkak se kufiri nuk ruhet mirë pas rënies së regjimit të Muammar Gaddafit në 2011.
