Ish-Kryeministri Sali Berisha ka përshëndetur sot hetimet e kryera nga anti-mafia italiane, ku mes të arrestuarve ishte edhe ish-gjenerali i Guardia di Finanza, Fabrizio Lisi, i njohur si miku i Engjëll Agaçit, Sekretar i Përgjithshëm i Këshillit të Ministrave.
Berisha tha se anti-mafia italiane po ecën me shpejtësi drejt kreut të meduzës, Edi Rama.
“Asnjë nuk e mbron dot kreun e meduzës dhe Don Agaçion, mikun e gjeneral Lisit, personit që e ka edhe komshi në Romë”, tha Berisha, duke shtuar se “kohë më parë nuk e ka etiketuar kot Agaçin si dhuratmadhin”.
Deklarata e Berishës
Së pari kreu i Meduzës nuk ndodhet këtu, sepse don agaçio me gjeneral Lisin ishin si mishi me thoin, kur unë i vura emrin dhuratëmadhi, e kisha fjalën si e lumturoi komshiun e vetë.
Unë e falenderoj Antimafian italiane, që po ecën drejt kreut të Meduzës, dhe ai nuk mund të ishte këtu sot në sallë, nuk e mbron askush, antimafia italiane është në veprim. Vite më parë e kam shpallur Don Agaçion dhuratë madhi.
Sa i takon problemit të Skavicës, ti je fajtori numër 1 së bashku me Edi Ramën, ai projekt është denatyralizimi i Dibrës, dhe ai që më tha mua se jam kundra investimeve amerikane janë gënjeshtra ato, unë jam pro investimeve amerikane, por me një kusht, ato duhet të bëhen me tender të hapur.
