Policia e Durrësit ka arrestuar shoferin 22-vjeçar, Xhoni Muço dhe 47-vjeçarin S.K., të cilët u përfshinë në aksident mbrëmjen e 8 shkurtit të Durrës.
Xhoni Muço cili u përplas me çiklomotorin me rimorkio që drejtohej nga S.K., ndërsa në rimorkio ishin dhe dy fëmijët e mitur, njëri djali i tij 15 vjeç dhe tjetri 13 vjeç të cilët ndërruan jetë si pasojë e aksidentit.
Ngjarja ndodhi mbrëmjen e 8 shkurtit 2022 në lagjen nr.14, Durrës e njohur si zona e Nishtullës.
Policia informon se “ka bërë arrestimin e Xhoni Muços 22 vjeç dhe S. K., 47 vjeç, të dy banues Durrës, pasi më datë 08.02.2022, në mbrëmje, në rrugën “Bajram Tusha”, në lagjen nr.14, Durrës, 22-vjeçari, duke drejtuar mjetin në gjendje të dehur është përplasur me një motomjet që drejtohej në gjendje të dehur nga 47-vjeçari”.
Përveç dy të miturve që ndërruan jetë si pasojë e aksidentit, të plagosur kanë mbetur dhe shtetasit D. Q. dhe M. A., të cilët ndodhen jashtë rrezikut për jetën.
