Momente dramatike po kalojnë banorët e lagjes 5 Maji në Tiranë, atje ku kanë zbarkuar me dhjetra forca policore, që po nxjerrin forcërisht nga banesat banorët, shtëpitë e të cilëve do të shemben për ti hapur rrugën planit të rindërtimit.
“Po më lini të hyj mor, më lini, se po më vdes vëllai nga ankthi”, thotë një prej qytetareve, ndërsa një tjetër shprehet “po këta janë vrasës mor, janë vrasës, po na nxjerrin nga shtëpitë”.
Banorë të tjerë kanë kërkuar që zonja të shoqërohet nga dy policë për të hyrë në banesë dhe për të parë vëllanë e saj që është në gjendje të rëndë për shkak të stresit të shembjes së shtëpisë, që pritet të ndodhë pas pak.
Zonja e shtëpisë me të shoqin u nxorën jashtë më pas me forcën e policisë dhe dëgjohej duke thirrur: “Ku e keni mandatin e prishjes, ku e keni mandatin, ku e keni mandatin e prishjes? Mos më prekni, ku e keni mandatinnn, o ndyrësita, o fytyra të zeza, o palaço, o serbë, o erdogana. Mos i gëzofshi, ku e keni mandatin?!”
