Taulant Balla, drejtues politik i PS në Qarkun e Fierit, i cili përfshin edhe Lushnjen, ku me 6 mars qytetarët do të zgjedhin kryebashkiakun, gjatë një takimi elektoral, tha se demokratët lushnjarë nuk kanë pse të votojnë kandidatin e koalicionit “Shtëpia e Lirisë”.
‘Përse i duhet vota një demokrati?
Për t’ia dhënë kandidatit të Saliut dhe Ilir Metës? Si mundet një demokrat 24-karatësh ta investojë votën në një koalicion që është ndërtuar kundër SHBA-së?
Por a mundemi ne shqiptarët ti kundërvihemi SHBA-së, pa të cilët ne s’do të kishim ekzistuar si komb?
Në vitin 1920 Kongresi i Lushnjes merrte vendimet dhe mbështetjen e tyre e gjente tek Shtetet e Bashkuara të Amerikës’, – është shprehur Taulant Balla në takimin e tij në Lushnje.
