Të tjera detaje janë publikuar nga mediat greke lidhur me vrasjen e Alkis Kampanos, 19 vjeç, ngjarje e ndodhur javën e shkuar në Selanik.
Policia ka arrestuar disa persona, ndërkohë që dy të tjerë, një shqiptar dhe një grek, janë shpallur në kërkim.
Hetimet kanë zbuluar se një prej të arrestuarve, 22-vjeç, ka një plagë në dorë, që dyshohet se i është shkaktuar nga thika, me të cilën ekzekutoi 19-vjeçarin.
Ai është identifikuar si shqiptar, ndërsa u arrestua nga policia të dielën e kaluar, bashkë me 7 persona të tjerë të përfshirë në përplasjen që shkaktoi edhe 1 viktimë.
22-vjeçari është plagosur nga thika që ka përdorur në dorën e djathtë. Policia ka lokalizuar plagën dhe siç bëjnë të ditur ka ardhur kur gjatë sulmit.
Për momentin ai mohon të jetë vrasësi i Alkisit . Megjithatë, ai nuk mund të shpjegojë bindshëm se si i ka ardhur plaga në pëllëmbën e dorës. Policët që e kanë trajtuar rastin dhe e kanë marrë në pyetje, tashmë konsiderojnë se kanë në dorë elementin kyç për autorin e vrasjes.
