Presidenca ka publikuar mëngjesin e sotëm përgjigjet e 72 pyetjeve që anëtarët e Kushtetueses i kanë drejtuar Presidentit Ilir Meta, në kuadrin e procesit të zhvilluar në Gjykatë për shkarkimin e tij.
Në njoftimin e Presidencës, thuhet se disa nga pyetjet ishin paragjykuese lidhur me çështjen, ndërsa të tjera pyetje ishin të ndikuara nga propaganda.
Presidenca thekson se vendimmarrja e Kuvendit ishte e ndikuar politikisht, ndërsa në Kushtetuese u depozituan dokumente të falsifikuara lidhur me Komisionin Hetimor të ngritur nga Kuvendi me objekt shkarkimin e Metës nga posti i Presidentit.
“Në funksion të transparencës para të gjithë qytetarëve, sot në ora 09:00, në faqen zyrtare të Institucionit të Presidentit të Republikës do të publikohen përgjigjet për 72 pyetjet e Gjykatës Kushtetuese.
Na falni për vonesën prej 24 orësh, por ngjarja skandaloze e faktuar e manipulimit mafioz nga Kuvendi të provave kundër Presidentit të Republikës na e pamundësoi transparencën e plotë dje”, njoftoi Presidenca.
Një ditë më parë, Kreu i Shtetit paralajmëroi se do ti drejtohej Prokurorisë për të hetuar falsifikimet, ndërsa nuk dihet nëse Kuvendi do të ngrejë ose jo një Komision Hetimor lidhur me pretendimet e Presidentit.
Përgjigjet e pyetjeve të Presidentit Ilir Meta mund t´i lexoni duke klikuar KETU
