Policia Rrugore e Durrësit ka evidentuar dhe ka ndëshkuar një drejtues mjeti, i cili kreu një parakalim të gabuar në aksin Fushë Krujë-Thumanë duke u rrezikuar jetën përdoruesve të tjerë të rrugës.
Pas publikimit në rrjetet sociale të “Opel”-it që kryente parakalime, “blutë” kanë bllokuar mjetin duke e ndëshkuar shoferin me inicialet M.A., me 8000 lekë të rinj.
NJOFTIMI
Kreu parakalim të gabuar në aksin rrugor Fushë Krujë -Thumanë duke rrezikuar jetën e përdoruesve të tjerë të rrugës, evidentohet dhe ndëshkohet nga Policia Rrugore e Durrësit.
Shërbimet e Policisë Rrugore Durrës, pas publikimit të një videoje në rrjete sociale, për një automjet tip “Opel” që kryente parakalime të gabuara në aksin rrugor Fushë Krujë –Thumanë, duke rrezikuar jetën e përdoruesve të rrugës, kanë lokalizuar dhe bllokuar automjetin, si dhe kanë ndëshkuar me masë administrative 8000 lekë të rinj, drejtuesin e mjetit, shtetasin M. A.
Policia Rrugore falënderon qytetarët që evidentojnë dhe publikojnë shkeljet e kryera nga drejtuesit e mjeteve, dhe apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor.
