Ambasadori gjerman Peter Zingraf ka deklaruar sot se procesi i vetingut të gjyqtarëve dhe prokurorëve në Shqipëri duhet të zgjatet për të shkuar deri në fund.
Në një mesazh në rrjetet sociale, Zingraf ka theksuar se qeveria dhe opozita kanë përgjegjësi të përbashkët për sundimin e ligjit.
“Procesi i reformave në sektorin e drejtësisë është vendimtar për aspiratat e Shqipërisë lidhur me anëtarësimin në Bashkimin Evropian.
Verifikimi i gjykatësve dhe prokurorëve është një element kyç në këtë kontekst. Ndaj për vendin është shumë e rëndësishme që mandati i institucioneve të pavarura dhe përgjegjëse të vetingut, i cili përfundon në qershor, të zgjatet, në mënyrë që procesi i verifikimit të përmbyllet sa më shpejt
Qeveria dhe opozita kanë përgjegjësinë e përbashkët për të rritur sundimin e ligjit duke u mundësuar kështu qytetareve dhe qytetarëve shqiptarë të ecin më tej në rrugën drejt Bashkimit Evropian”, thekson diplomati gjerman.
