Shtyhet sërish gjyqi ndaj ish-gjyqtares Enkelejda Hoxha e arrestuar për korrupsion pasi akuzohet se ka liruar nga qelia të dënuarit përjetë.
Shkak i shtyrjes është bërë mungesa e gjyqtarit Erion Çela. Mësohet se seanca e radhës gjyqësore është caktuar më 14 shkurt të këtij viti.
Enkelejda Hoxha u arrestua pas një hetimi të SPAK pasi dyshohet se ka abuzuar me detyrën duke mundësuar lirimin nga burgu të shumë emrave të njohur të botës së krimit. Hoxha u vu në pranga paraditen e 11 shkurtit bashkë me 9 persona të tjerë, në kuadër të një operacioni të mirëorganizuar nga SPAK, pasi ishte vënë në përgjim prej muajsh.
Pikërisht më 11 shkurt, Hoxha, me skemën e përgatitur me ndihmën e bashkëpunëtorëve të saj, do të lironte të dënuarin për vrasje, Saimir Petani.
