Katër shqiptarë dhe një pakistanez u arratisën sot nga një qeli paraburgimi në Greqi. Sipas mediave greke, ato do të transportoheshin drejt një burgu tjetër, ndërsa kanë arritur të arratisen duke shfrytëzuar situatën.
Të arrestuarit kishin mbërritur në Chania pas transferimit të tyre, me traget nga Pireu, mëngjesin e së shtunës, 5 shkurt.
Katër shqiptarët dhe një pakistanez dyshohet se kanë hyrë në tualetin e qendrës së paraburgimit dhe pasi kanë prerë hekurat nga dritarja me një objekt të mprehtë, janë hedhur një nga një dhe kanë dalë në garazhin e nëndheshëm të Komisariatit të Policisë.
Policia ka mundur të gjejë vetëm furgonin me të cilin dyshohet se u larguan 5 të arratisurit.
Por kush janë 5 të arratisurit?
– Më i rrezikshmi është 35-vjeçari pakistanez i dënuar për vrasje seriale
– 43-vjeçari shqiptar i dënuar për organizatë kriminale, grabitje, grabitje vdekjeprurëse, vjedhje, armëmbajtje dhe përdorim,
– një shqiptar 32-vjeçar i dënuar për grabitje. ,
– një 29 vjeçar shqiptar gjithashtu është dënuar për grabitje
– Gjithashtu edhe shqiptari tjetër është dënuar si grabitës, por edhe për trafik droge
