Një 17-vjeçar, i identifikuar si Pietro Benfatto, humbi jetën si pasojë e një aksidenti që bëri teksa drejtonte automjetin tip Opel, të prindërve të tij. Ngjarja ndodhi në Itali.
Ai u përplas me gardhet e një shtëpie përgjatë rrugës në komunën e Legnaro (Padova). Të shtunën në mbrëmje djali kishte dalë për t’u takuar me shoqërinë e tij. Prindërit i kishin dhënë hua makinën e tyre njërit prej miqve të tij, duke kuptuar se do të ishte gjithmonë një i rritur që do ta ngiste.
Në vend të kësaj, në orën 4 të mëngjesit dikush e la të miturin pa patentë të merrte timonin për të shkuar në shtëpi dhe pikërisht në atë moment ndodhi tragjedia.
Pietro ishte vetëm në makinë. Miqtë e tij udhëtuan me makina të tjera, të gjithë u nisën në të njëjtin drejtim dhe ishin dëshmitarë të aksidentit: makina rrëshqiti, depërtoi portën e një shtëpie, u përmbys dhe përfundoi pas murit.
Përveç efektivëve të policisë rrugore, në vendngjarje kanë mbërritur edhe zjarrfikëset dhe 118. Për të riun e ngecur në kabinë nuk mund të bëhej asgjë. Djemtë e tjerë panë të terrorizuar atë që kishte ndodhur.
Vijojnë hetimet për të të identifikuar se kush ishte përgjegjës për makinën dhe kush i dha çelësat Pietros. Trupi i pajetë ndodhet në dispozicion të autoritetit gjyqësor, i cili do të vlerësojë mundësinë e kryerjes së autopsisë në trupin e të riut, për të përjashtuar përdorimin e drogës.
