Lulzim Basha iu përgjigj përmes një deklarate të Zyrës së Shtypit, deklaratave të ish-Kryeministrit Salli Berisha, i cili gjatë një takimi elektoral në Sukth, Bashkia e Durrësit, tha se votat për kandidatët e Bashës, shkojnë për Edi Ramën.
Në reagimin e tij, Basha thekson se çdo votë për shtëpinë e Ilirit, sikundër ai quan “Shtëpinë e Lirisë”, është votë për Edi Ramën.
“Berisha dhe kandidatët e tij janë pjesë e LSI. Ata skanë asnjë lidhje me PD”, thuhet në reagimin e Bashës.
Në deklaratë thuhet se Sali Berisha vazhdon të manipulojë demokratët.
“Disa njerëz nga Shtëpia e Ilirit e kanë të vështirë të heqin dorë nga e kaluara e tyre, por çdo votë për këtë shtëpi është votë për pazarin e radhës Meta-Rama.
Shqiptarët e dinë shumë mirë që Parti Demokratike është një, dhe LSI një gjë tjetër.
Sali Berisha dhe kandidatët e tij janë tashmë pjesë e LSI-së dhe ndonëse duket që u vjen turp nga anëtarësimi në këtë parti, ata nuk i lidh me asgje me PD, sado mashtrojnë duke përdorur emrin dhe simbolet e saj.
Demokratët e dinë se si Ilir Meta ka përdorur pushtetin dhe votat e tyre për pazarin me Edi Ramën ne 2013.
Sot po bën të njëjtën gjë.
Prandaj kush zgjedh Metën dhe Berishën, mban Ramën!”, thuhet në reagimin e Bashës.
