Një mbyllje me nder dhe me karakter. Kameruni arriti të kalonte zhgënjimin e madh të eliminimit nga Egjipti në gjysmëfinale për t’u renditur i treti në Kupën e Afrikës.
Në një disavantazh prej tre golash me Burkina Fason dhe kur shpresat ishin shuar, ekipi i vendit organizator bëri një paraqitje me karakter duke kthyer rezultati nga 0-3 në 3-3.
Yago në 24’ dhe një autogol i Onana në 43’ shokuan vendasit ndërsa në 49’ Outtara shënoi edhe golin e tretë duke krijuar iluzionin e fitores.
Më pas Kameruni bën diçka fantastike duke shënuar tre herë në 20 minuta lojë me Bahoken dhe dopietën e Aboubakar.
Me një rezultat 3-3, Kameruni fitoi të drejtën e penalltive dhe aty arriti ta kthente situatën në favor duke fituar 5-3 në finalen për vendin e tretë.
