Një trup i dekompozuar është nxjerrë sot nga ujërat e Liqenit të Fierzës.
Trupi i pajetë dyshohet se i përket një peshkatari të zonës, të quajtur Tofik Hoxha, i cili u shpall i humbur teksa peshkonte në ujërat e lumit Drin pak javë më parë.
Trupi është transportuar në morgun e qytetit të Kukësit, ku pritet të bëhet edhe identifikimi. Sipas informacioneve paraprake, trupi është përcjellë nga rrjedha e lumit deri në Liqenin e Fierzës.
