Deputeti i Partisë Socialiste, Erion Braçe, ka reaguar përmes rrjeteve sociale, lidhur me dënimin nga Apeli i GJKKO për ish-ministrin, Saimir Tahiri. Braçe në reagimin e tij shfaqet i irrituar, ndërsa shprehet se për vrasjet e 21 janarit nuk u dënua askush, edhe pse duhej të kishte burgime të përjetshme.
“Në çdo vend normal, çdo pushkatim, një burgim i përjetshëm. Katër pushkatime, katër burgime përjetë. Sot nuk ka asnjë në burg. Minimumi është pabarazi, pandëshkueshmëria po e po”, shkruan Braçe.
Duket se Braçe ka reaguar ndaj ish-Kryeministrit Sali Berisha, i cili më parë ironizoi vendimin e Gjykatës për Tahirin.
