Një fëmijë 4 vjeç ka humbur jetën në një aksident rrugor në Samaticë të Beratit. Sipas policisë, fëmija është përplasur nga një automjet dhe nuk ka mundur të mbijetojë.
“Rreth orës 14:00 në fshatin Samaticë, shtetasi R.Gj., 46 vjeç, duke drejtuar automjetin ka aksidentuar shtetasin G.O., 4 vjeç, i cili për pasojë ka ndërruar jetë”, njoftoi policia.
Drejtuesi mjetit është shoqëruar në ambientet e Komisariatit të Policisë Berat për veprime të mëtejshme, shtuan të njëjtat burime, ndërsa grupi hetimor po punon për zbardhjen e rrethanave të aksidentit.
