Ath. Bilbao hakmerret ndaj Real Madridit për humbjen në Superkupën e Spanjës 2 javë më parë teksa sot i ktheu “reston” duke i flakur jashtë Kupës së Mbretit.
Në “San Mames” u luajt ndeshja çerekfinale me sistem eliminimi direkt dhe për skuadrën e Ancelottit sigurisht që u ndje mungesa e Karim Benzema ndërsa Vinicius Junior i sapo kthyer nga ndeshjet me Brazilin u duk tepër u lodhur.
Gjithsesi ndeshja ishte e hapur dhe me raste nga të dyja skuadrat teksa basket insistuan më shumë dhe kishin disa mundësi shënimi.
Ndeshja ishte emocionuese dhe kur dukej se 90’ minuta nuk do të mjaftonin për kualifikimin, në 90’ Berenguer i futur në lojë në pjesën e dytë shënoi duke vendosur dhe fatin e takimit.
Bilbao shkon kështu në gjysmëfinale në një edicion të “çmendur” pasi të gjithë të mëdhatë, Barça, Real, Atletico janë tashmë eliminuar.
