Presidenti amerikan Joe Biden ka njoftuar se forcat speciale kanë vrarë në Siri udhëheqësin e Shtetit Islamik, në një aksion në shtëpinë e tij.
“Falë aftësive dhe trimërisë së forcave tona të armatosura, kemi eliminuar nga fushë-beteja Abu Ibrahim al-Hashimi al-Qurayshi”, tha Biden.
Presidenti shtoi se të gjithë amerikanët e përfshirë në operacion janë kthyer shëndoshë e mirë.
Sipas autoriteteve siriane, nga operacioni në qytetin Atmeh janë vrarë 13 njerëz gjithsej, përfshirë 6 fëmijë.
