Përfaqësuesi ligjor i Presidentit të Republikës Bledar Dervishaj ka kërkuar kohë për t’u konsultuar me Kreun e Shtett për përgjigjet e rreth 70 pyetjeve që i janë drejtuar gjatë seancës që po zhvillohet në Kushtetuese për shkarkimin ose jo të tij.
Kushtetuesja është tërhequr për të marrë një vendim lidhur me kërkesën e Dervishajt.
Seanca në Gjykatën Kushtetuese për shqyrtimin e kërkesës së mazhorancës për shkarkimin ose jo të Presidentit të Republikës, Ilir Meta nisi në orën 10:00.
Përfaqësuesit e Presidentit Meta kanë mbërritur në seancë me një dosje voluminoze dhe pritet të japin argumentet e tyre mbi çështjen.
Ndërkohë që gjatë seancës Kreut të Shtetit, i cili nuk ishte i pranishëm, i janë drejtuar plot 70 pyetje.
