Goditja më e madhe e merkatos në Itali por edhe në Europë ishte Dusan Vlahoviç. Juventusi pagoi afro 70 mln euro për ta marrë nga Fiorentina dhe sot bomber serb u prezantua për tifozët e rinj bardhezi.
“Jam shumë i emocionuar dhe krenar që kam nënshkruar me Juven. Jam i vendosur të jap maksimumin tim dhe të arrij rezultate të shkëlqyera. Do të doja të falënderoja presidentin e Juventusit dhe të gjithë njerëzit që më sollën këtu. Pse zgjodha Juven? Ishte e lehtë, ADN-ja e ekipit është të luftojë, e të fitojë, vuan deri në fund. Të gjitha gjërat që janë pjesë e karakterit tim”, tha ai.
Sulmuesi i ri i “Zonjës së Vjetër” u pyet edhe për zgjedhjen që bëri duke marrë fanellën me numër 7, atë që la një yll si Cristiano Ronaldo.
“Për mua, numri 7 nuk përfaqëson asgjë. E zgjodha sepse ishte më afër numrit 9. Të gjitha bluzat e Juventusit peshojnë, nga 1 në 100. Kam ardhur këtu për të ndihmuar shokët e skuadrës dhe trajnerin, të gjithë së bashku mund të arrijmë objektivat që i kemi vënë vetes. Numri i fanellës nuk është i rëndësishëm, por vendosmëria që vendosim në fushë është. Chiesan e njoh, kam biseduar me të, ne kemi një marrëdhënie të mrekullueshme. Më vjen keq për dëmtimin e tij dhe se duhet të presim gjatë për të, por ne e presim atë. Champions League? Do të jetë diçka unike, por duhet të jem gati dhe trajneri do të vendosë nëse do të debutoj”, deklaroi sulmuesi më i ri i Juventusit.
