Gjatë ditëve të fundit është folur për një takim mes ish-Kryeministrit Sali Berisha dhe Presidentit Ilir Meta. Madje edhe krijimi i koalicionit “Shtëpia e Lirisë” lidhet pikërisht me këtë takim.
Por kur ka ndodhur takimi dhe çfarë është diskutuar? Presidenti Ilir Meta përmes një postimi në rrjetet sociale premton transparencë.
“Për të gjithë të trishtuarit, të gëzuarit apo të pavaruarit, qoftë dhe indiferentët, që duan të dinë të vërtetën e takimit me ish-Presidentin dhe ish-Kryeministrin, Sali Berisha, në ç’rrethana, kur dhe ku ka ndodhur ky takim, sonte tranparencë e plotë në ora 20:00 në Fax News, në intervistë për emisionin “Pushteti” të gazetares, Juela Meçani”, shkruan Presidenti Ilir Meta.
