Nga Boldnews.al
Për të minimizuar reagimet, qeveria dhe Bashkia Tiranë po ndjekin strategjinë që prishjet e banesave në emër të “zhvillimit” t’i vëjnë në blloqe të veçanta. Të fundit të radhë ishin banorët e lagjes “5 Maji”, por nuk do të jenë të fundit. Shumë shpejt do u vijë edhe radha mbi 700 banesave dhe bizneseve në zonën e Laprakës, që janë përfshirë në zgjerimin e vijimit të Unazës së Madhe.
Për qeverinë është vetëm një statistikë, por për ata që jetojnë në këto zona presin orën kur tu mbërrijnë dhjetëra rruspa (fadroma të qeverisë) dhe mijëra punonjës policie, të etur për të vazhduar me sportin e hershëm, hedhjen e gazit lotsjellës.
Praktika është e njëjtë, edhe forma po ashtu. Të njëjtën strategji ndoqën me banorët e Astirit kur në të gdhirë u sulën forcat e policisë që pasi hodhën gazin lotsjellës mbi banorët dhe shoqëruan dhunshëm disa prej tyre nisën shkatërrimin e banesave. E njëjta situatë u përsërit edhe në zonën e Bregut të Lumit, ku aty policia nuk kurseu as gra shtazëna dhe fëmijë që në katër të mëngjesit iu zu fryma nga gazi lotsjellës që iu hodh edhe brenda dhomave ku flinin.
Pushtetit po i bëjnë sytë tym, sa herë shfaqet një mundësi abuzimi fondesh në emër të zhvillimit infrastrukturor e cila është kopertura për të ngjyer dyart deri në llërë me afera korruptive. Edhe sot ka vijuar prishja e nëntë objekteve në lagjen “5 Maji” në Tiranë, ku bashkë me rruspat e Bashkisë Tiranë ishin të pranishëm një numër i madh i efektivëve të Policisë së Shtetit dhe asaj bashkiake.
Reagimet munguan, pasi tashmë qytetarët e kanë të qartë se nuk janë në gjendje që ti përgjigjen dhunës së pushtetit, që pasi të sjell fadromat në pragun e shtëpisë shoqërohet me një turmë efektivësh që në çantat e shpinës mbajtë dhjetëra bomba me gaz lotsjellës. Kush kundërshton, ashtu i verbuar e duke gulçitur nga gazi shoqërohet dhunshëm në komisariat dhe kërcënohet me burg.
Nuk është vetëm një rast i izoluar por një metodë “gjeniale” që u shpik në kohën kur ministër i Brendshëm ishte Sandër Lleshaj dhe drejtues policie Erdi Veliu. Ky i fundit sot është zëvendëministër i Ramës dhe nga karriera policore përfundoi si “velinë pushteti” duke u marrë me florën dhe faunën.
Malinjiteti nuk njeh kufij ku pas çdo nisme që prek qytetarët të shfaqet Erion Veliajt në media që i kontrollon nga lejet e ndërtimit dhe ndikimet e tjera të errëta me parimin kush nuk blihet të shantazhohet. Në mungesë të tij është i gatshëm kamikazllëku i nënkryetarit Arbjan Mazniku që nëse nuk është në ndonjë takim “pune” jashtë vendit me biznesmënët oligarkë, patjetër që do gjendet në studiot televizive për të mbrojtur nismat që vijnë nga pushteti lokal dhe qëndror, paçka se pas mbetet trishtimi i banorëve të pastrehë.
Gaz lotsjellës ka me shumicë dhe pret në magazinat e policisë momentin për tu shpërndarë duke lënë pas jo vetëm gulçimin e atyre që janë afër, por metodën që pushteti po përdor me dy mjetet e dhunës; rruspa dhe gaz helmues.
