Dy shpërthime të ndryshme kanë shënjestruar një gazetar dhe një sindikalist në kryeqytetin grek, sipas medieve lokale.
Një video e publikuar tregon autorin duke lënë bombolat e gazit në hyrje të pallati të gazetarit Dimitris Kampourakis në orët e para të së martës, 1 shkurt. Më pas ai i vë flakën dhe largohet. Pak sekonda më vonë ndodh shpërthimi.
Duke folur për SKAI-n, zoti Kambourakis tha se ky person ishte me kapuç dhe maskë në fytyrë, por kamera ka regjistruar disa nga tiparet e tij.
“Isha në gjumë dhe dëgjova një zhurmë. Dola jashtë, e gjithë dera ishte në flakë,” tha ai.
Të gjitha të dhënat dhe video nga kamerat i janë dhënë policisë për hetim. Dimitris Kampourakis deklaroi gjithashtu se po merrte kërcënime, diçka që ai e kishte përmendur dhe i ishte ofruar mbrojtje policore, gjë që ai e kishte refuzuar.
Pothuajse në të njëjtën kohë me shpërthimin në shtëpinë e gazetarit të njohur, persona të panjohur vendosën lëndë shpërthyese në hyrje të shtëpisë së kryetarit të gardës speciale Vassilis Doumas, në Kypseli.
Në një prononcim për Kathimerini.gr, Doumas theksoi: “Incidenti është një reagim ndaj pikëpamjeve të mia të shprehura në mënyrë demokratike.”
