IKMT pritet të nisë sot shembjet e katër shtëpive tjera në lagjen e 5 Majit në Tiranë, në kuadër të procesit të rindërtimit.
Policia ka vënë shiritin në zonë dhe raportohet se nuk ka pasur përplasje mes banorëve dhe policisë. Megjithatë, këta të fundit janë shprehur kundër shembjes së banesave dhe kanë kërkuar zgjidhje për strehim nga autoritetet.
Më 19 janar, IKMT ndërmori aksionin për prishjen e banesave në zonën e “5 majit” në Tiranë duke i hapur rrugën procesit të rindërtimit.
Shkatërrimi i banesave u shoqërua me revolta nga ana e banorëve të cilët që prej asaj dite kanë ndërmarrë një sërë protestash.
