Një person ka mbetur i plagosur mesditën e sotme në Kavajë, pas një sherri të momentit. Nga raportimet mësohet se ngjarja ka ndodhur rreth orës 12:30 në lagjen nr. 3 në Kavajë.
Mësohet se pas një sherri banal, shtetasi Rudin Dimri ka plagosur me thikë Olsi Çelhykën.
Raportohet se policia ka ndërhyrë duke shoqëruar në komisariat Dimrin, ndërsa i plagosuri Çelhyka është dërguar në spital, pasi ka pësuar disa lëndime.
Policia ndërkohë po heton dhe sqaron shkaqet dhe arsyet që dërguan dy të rinjtë në këtë sherr.
