Vedat Muriqi bëhet zyrtarisht futbollist i Mallorcas në La Liga.
Sulmuesi “dardan” kishte mbërritur një ditë më parë në Ishull dhe pasi kaloi testet mjekësore hodhi firmën në kontratë.
Mallorca e ka bërë zyrtare transferimin e tij me një video shumë interesante në rrjetet sociale.
Një tifoz e donte me çdo kusht në skuadër, madje duke e transferuar fillimisht në lojën “Sony Playstation”.
Pas bisedimeve të gjata, tifozit i erdhi Vedat Muriqi në shtëpi, duke trokitur në derën e tij.
Lojtari i Lazios transferohet në formë huazimi te Mallorca, skuadër ku do të kërkojë t’i japë një trajektore të re karrierës së tij, pas përvojës zhgënjyese te Lazio.
