Presidenti i Rusisë Vladimir Putin dhe ai i Francës Emmanuel Macron, patën një bisedë telefonike sot, e dyta në katër ditë, në mes të krizës ukrainase, tha Kremlini.
“Shkëmbimi i pikëpamjeve vazhdoi për situatën në Ukrainë dhe për çështjet që lidhen me sigurimin e garancive afatgjata dhe të garantuara ligjërisht të sigurisë për Rusinë ,” tha presidenca ruse në një deklaratë.
Në të njëjtën kohë, Elysee publikoi një deklaratë duke thënë se të dy liderët përshëndetën përparimin në bisedimet për situatën në Ukrainë në kuadër të Normandisë. Ai shtoi se të dy presidentët duan që dialogu të vazhdojë për të zbatuar marrëveshjet e Minskut për situatën në Donbas.
Udhëheqësit e Ukrainës, Rusisë, Gjermanisë dhe Francës janë pjesë e grupit të Normandisë për të ndihmuar në përfundimin e konfliktit në Ukrainën lindore midis forcave të Kievit dhe separatistëve pro-rusë.
