Kylian Mbappe do të jetë transferimi i madh i Real Madridit. Lajmin e bën të ditur gazeta gjermane, “Bild”, që konfirmon akordin e arritur mes palëve për kalimin e lojtarit në Spanjë gjatë muajve të verës.
Sipas saj, francezi do të përfitojë 50 milionë Euro në vit edhe pse nuk e specifikon nëse do të jenë bruto apo neto, por zbulon se do të jetë lojtari më i paguar në botë. “Bild” shpjegon se asgjë zyrtare nuk do të bëhet para sfidës së 1/16-ave të Ligës së Kampionëve mes Real Madrid dhe Paris Saint Germain.
Mohimi për të rinovuar kontratën që skadon në Qershor, e detyroi PSG-në që ta lë të lirë të largohet si futbollist i lirë. Real Madrid ka kërkuar shërbimet e Mbappe edhe në verën e vitit 2017, me francezin e talentuar që vendosi t’i bashkohet PSG-së nga Monako. Gjatë verës së kaluar, Mbappe donte të shkonte te Real Madrid, por skuadra pariziene refuzoi ofertat e bëra në drejtim të tij. 23-vjeçari ka kontribuar me 19 gola dhe 15 asiste në 27 paraqitjet e tij për skuadrën e Maurizio Poçhettino këtë sezon.
