Gjykata e Posaçme e Apelit ka caktuar datën 4 shkurt në orën 13:00 seancën për të dhënë vendimin për ish-ministrin e Brendshëm, Saimir Tahiri.
Më herët, gjatë së hënës, prokurorët e SPAK kërkuan deklarimin fajtor të Saimir Tahirit për akuzat që e lidhin atë me trafikun e drogës, në kuadër të grupit të strukturuar kriminal dhe dënimin e tij me 12 vjet burg.
Por, duke qenë se gjykimi është bërë me procedurë të shkurtuar, i kërkuan që të ulet edhe 1/3 e dënimit, duke kërkuar një dënim përfundimtar prej 8 vitesh burg.
Ndërkohë, Saimir Tahiri pretendon se nuk qëndron asnjë prej akuzave të ngritura kundër tij, duke thënë se nuk ka pasur asnjë kontakt me anëtarët e grupit të Habilajve.
