Ish-Kryeministri Sali Berisha deklaroi se Edi Rama me bandat me ose pa uniformë ka konfiskuar Lulzim Bashën dhe selinë e PD.
Berisha tha se për zgjedhjet e 6 marsit do të ketë një marrëveshje për një koalicion, i cili do të ketë logon e vet. Ish-Kryeministri tha se “koalicioni do të quhet Shtëpia e Lirisë dhe do të ketë logon e vet, ashtu sikundër ka pasur edhe më parë në rastin e koalicioneve”.
“Logon tonë të vërtetë na e ka konfiskuar Edi Rama. Ai tentoi qv ne të mos hynim në zgjedhje, por bojkoti nuk është opsion i jonë. Ndaj ne në kushtet kur Edi Rama ka konfiskuar logon dhe selinë tonë dhe kur Edvin Brava është peng i Edi Ramës, ne do të garojmë me një koalicion të gjerë.
Lulzim Basha siç mori për mbrojtje vrasës dhe banditë, siç blindoi selinë e PD, po vijon të zbatojë porositë e Edi Ramës. Anëtarët e PD do ti përgjigjen këtyre qëndrimeve të peng Bashës, duke injoruar kandidatët e peng Bashës dhe do të votojnë për kandidatët e votës së lirë”, tha Berisha. Ai shtoi se nuk kemi asnjë impresion për pazaret Rama-Basha.
Berisha tha se pjesë e këtij koalicioni do të jetë edhe LSI.
