Kreu i grupit parlamentar të PS Taulant Balla, në një deklaratë për mediet, u shpreh se Shqipëria është ndër vendet më përfituese nga nisma “Ballkani i Hapur”.
“Kemi kaluar në seancën e fundit disa projekt-ligje që kanë të bëjnë me implementimin e marrëveshjeve në kuadër të ‘Ballkanit të Hapur’ i cili krijon më shumë mundësi për qytetarët dhe bizneset. Unë bëj pjesë në ata që mendojnë se Shqipëria është një ndër vendet më përfituese të nismës ‘Ballkani i Hapur’ dhe ndërkohë që sipërmarrja, fermerët janë përfitues të drejtpërdrejtë”, tha ai.
Balla u shpreh se kanë një marrëveshje shumë të rëndësishme për krijimin e një strukture të posaçme të përbashkët me Greqinë në kuadër të luftës kundër krimit të organizuar.
Projektligji për një qendër të përbashkët policore dhe doganore me Greqinë është votuar në Komisionin për Sigurinë Kombëtare.
Lidhur me nismën e mahzorancës për zgjatjen e mandatit të antarëve të KPK, ai tha se “iniciativa për shtyrjen e mandateve të organeve të vettingut nuk është iniciativë e PS, por është një domosdoshmëri për të çuar para këtë proces.
Kreu i Grupit parlamentar të Partisë Socialistedeklaroi se maxhoranca është në negociata me PD-në zyrtare për përcaktuar objektin e punës për reformën zgjedhore.
“Unë e kam thënë disa herë që kemi një qasje dhe diskutim me grupin parlamentar të PD zyrtare për të gjetur formulimet e sakta sa i përket objektit të komisionit të posaçëm të reformës zgjedhore. Formulimi i objektit të punës është shumë i rëndësishëm. Ne duam të ruajmë të njëjtin përcaktim si në komisionet e kaluara të reformës që kanë të bëjnë me hartimin e ligjit zgjedhor sipas rekomandimeve të OSBE. Ky është një detyrim që Shqipëria ka edhe për procesin e integrimit europian. Këto negociata me opozitën nuk kanë lidhje me asgjë tjetër. Unë nuk hyj në asnjë përgjigje për pyetje që nuk kanë të bëjnë me thelbin e çështjes. Sa i përket detyrimit të Kuvendit për të zgjatur vettingun, kjo nuk është çështje e diskutimit politik”, tha Balla.
