Deputeti Kreshnik Çollaku u shpreh në emisionin “Arnautistan” se ka një përpjekje anti-NATO për të nxjerrë NATO nga Rajoni i Ballkanit.
“Ka inteligjencë anti-NATO që përpiqet të destabilizojë Shqipërinë”, tha Çollaku. Sipas tij, dhe teoritë sovraniste, pikërisht i shërbejnë këtyre inteligjencave.
“Kjo klimë krijon shtratin për të ndërhyrë. Dëgjoni tetoritë sovraniste nga Edi Rama, Ilir Meta dhe Foltorja, janë të tre me të njëjtat teori”, tha Çollaku.
Referuar rivalitetit të krijuar mes Sali Berishës dhe Lulzim Bashës, Çollaku tha se kjo ka ardhur për shkak të problematikës që iu krijua Berishës nga SHBA dhe kjo situatë nuk mund të zgjidhet brenda PD.
“Situata agravoi në 8 janar, ku u krijua ajo situata traumatike”, tha Çollaku. Ai tha se mbështet Lulzim Bashën pasi më 9 shtator mori vendimin e drejtë duke përjashtuar Sali Berishën nga Grupi Parlamentar. “Ne nuk kishim pse të shkonim në një kurs përplasjeje me aleatin strategjik, SHBA, ndaj mendon se ishte vendimi i duhur”, tha Çollaku.
