Ka përfunduar procesi i numërimit për primaret në 5 Bashki të vendit, atë të Vorës, Durrësit, Dibrës, Lushnjes dhe Rrogozhinës, ndërkohë që vijon në Shkodër.
Ardian Muka ka fituar primaret e anëtarësisë së PD në Durrës. Muka ka arritur të sigurojë 1546 vota, përballë 373 votave të kandidates tjetër, Silvja Gjepali. 11 vota janë shpallur të pavlefshme.
Nga numërimi i votave të anëtarësisë së PD në Dibër, primaret janë fituar nga Premtim Kryemadhi i cili ka marrë 424 vota. Kandidatët e tjerë kanë marrë përkatësisht, Behar Dema 158 vota dhe Dafina Muda ka 121 vota. 713 anëtarë të PD kanë marrë pjesë në zgjedhjet primare në Dibër. 10 vota kanë dalë të pavlefshme.
Me 277 vota, Lulzim Vrana është shpallur fitues i primareve të Komisionit të Rithemelimit të PD në Bashkinë e Vorës. Kandidati tjetër në garë, Luan Beta ka marrë 55 vota. Lulzim Vrana do të jetë kandidati i Partisë Demokratike për kryetar bashkie në Vorë, në zgjedhjet e pjesshme vendore të 6 marsit.
Hekuran Xhani me 211 vota është shpallur fitues i primareve të PD dhe do të garojë në 6 mars për kryetar bashkie.
Kandidatët e tjerë në këtë garë kanë marrë:
Eqerem Deliu, 23 vota
Hajrulla Tafa, 3 vota
Sokol Gosa, 70 vota
Vladimir Manushi, 7 vota
2 vota të pavlefshme
Sa i përket Lushnjës fitues është shpallur Elton Bano.
Në fund të procesit të numërimit kandidatët grumbulluan votat si vijon:
Elton Bano 671, Arben Zaimi 240, Eurion Iljazi 49 Indrit Qerimi 92.
Në votim morën pjesë 1056 votues.
