Seanca e ndërmjetësimit në “Shihemi në Gjyq” rikthehet me dy personazhe të rinj, por me një çështje që është prekur edhe herë të tjera gjatë rubrikës.
Prej vitesh, Pasho i jep para palëve të treta që nuk kanë lidhje me hapësirën tokësore në fjalë për të përfunduar procesin e pronësisë, por në të vërtetë është zhvatur. Ikbalja, e cila ka 10 vite që duron këtë gjendje, teksa në shtëpinë e tyre nuk ekzistojnë as kushtet minimale si uji, makina larëse apo mobiljet, kërkon të ndahet pas 46 vitesh.
Ikbalja tregon edhe një episod kur ajo është trembur, pasi një person shkoi një natë të vonë në shtëpinë e tyre për të kërkuar sërish para. Zotëria hyri në shtëpi, ku nuk kishte as drita dhe Ikbalja u përpoq të lajmëronte fëmijët e saj. Në atë moment, ai është larguar.
Eni Çobani: Që jeni si veç e veç? Pra ti qëndron në Itali, zotëria ku rri?
Ikbale: Zotëria te dhoma poshtë aty, aty rri. Atje le të rrijë se atje e ka kokën. Mos t’i jepte lekë njerëzve, mashtruesve, mos të merrej të më dëgjonte një fjalë mua e fëmijëve. Jo të hanë mashtruesit lekun tim.
Pasho: Kisha hall të mbaroja qëllimin moj zonjë.
Ikbale: Ta mbaruan qëllimin? Dua drejtësi ore.
Pasho: Po i besova unë ata. Isha njeri i sinqertë.
